Иако веќе со години се шушка дека би требало да почне да се снима филм според серијата "Пријатели", творците на таа суперпопуларна серија ги демантираа гласините еднаш засекогаш...

Како што известува Perez Hilton, "Пријатели" нема повторно да се соберат ниту за потребите на снимањето на истоимениот филм, а ниту за продолжение на серијата, па фановите може да престанат да ги праќаат своите молби до студиото NBC.

Кевин С.Бајт, еден од продуцентите изјави: "Повторно собирање не доаѓа во предвид..."Пријатели" нема да снимаат филм! Серијата е осмислена како интимно шоу кое се гледа во дневна соба. Беше совршена токму како таква и за филм нема потреба."