Новиот Бонд заработи речиси 88 милиони долари за само еден викенд.

Skyfall, третиот филм за Џејмс Бонд со Даниел Крејг во главната улога, го сруши рекордот на претходните филмови за агентот 007. Американскиот филмски печат пишува дека до сега ниту еден Бонд за време на првиот викенд во кино-салите не успеал да заработи толку пари.

Претходниот рекорд го држеше филмот „Зрно утеха“, кој заработи 68 милиони долари за време на првиот викенд на прикажување во Америка.

Skyfall за сега во светот има заработено 519 милиони долари.

Насловната песна на филмот, која ја пее Адел, е прва „Бондовска“ песна која во САД стигна на листата на десет најпродавани синглови.