Вториот дел од филмот можеби никогаш нема да биде снимен, поради смртта на режисерот на првиот дел.

Во август оваа година, режисерот Тони Скот се уби со скокање од мостот во Лос Анџелес, од се уште непознати причини. Во моментот на самоубиството, Скот (68) беше во екот на подготовките за снимањето на вториот дел од хитот за пилотите.

Продуцентот Џери Брукхајмер порано рече дека сценариото е веќе готово, а ѕвездата на првиот дел, Том Круз, откри дека ќе има помала улога.

„Едвај чекам повторно да седнам во авионот“, рече пред неколку месеци Круз.

Поради смртта на Скот, сите планови се стопирани, а можно е екипата на филмот целосно да се откаже од снимањето.