Актерот ќе го замени Шаја Ла Баф на местото на главниот лик во четвртиот дел од серијалот.

Марк Волберг (41) ќе биде главната ѕвезда на четвртиот дел „Трансформери“, чија премиера се очекува во 2014 година.

Ла Баф ќе остане во франшизата, но неговиот лик ќе биде спореден, додека на Волберг му е наменета главната улога, потврди режисерот Мајкл Беј.

Тој со Волберг соработуваше на филмот Pain And Gain, и го ангажираше за четвртиот дел од серијалот кој до сега заработи речиси три милијарди долари.

Волберг е номиниран за два Оскари, за споредната улога во филмот „Двојна улога“ и за најдобар филм „Борец“, каде што беше еден од продуцентите.