Иако медиумите пишуваа дека поради аферата со режисерот нема да игра во продолжението на филмот „Снежана и Ловецот“, актерката вели дека тоа баш не е сигурно.

Кристен Стјуарт тврди дека постои „многу голема шанса“ повторно да ја игра Снежана во продолжението на остварувањето на Руперт Сандерс, со кој имаше тајна врска за време на снимањето на првиот филм.

„Се уште никој ми нема кажано официјално, но мислам дека повторно ќе се појавам во таа улога“, изјави Кристен.

Само неколку дена откако се дозна за нејзината романса со оженетиот режисер, таа се си призна и го замоли за прошка Роберт Патинсон.

Иако изгледаше дека никогаш нема „да и ги чуе молбите“, после само неколку месеци папараците ги фотографираа како се бакнуваат.

Тие двајца се уште не сакаат да зборуваат за тоа, а во интервјуата е строго забрането да им поставуваат прашања за нивниот приватен однос.