Во планот за адаптација на хоророт „Мобилен телефон“, главната улога му е наменета на Џон Кјузак.

„Мобилен телефон“ на Стивен Кинг е хорор во кој преку мистериозен сигнал пратен преку мобилна мрежа, сите луѓе на планетата кои во тој момент зборувале на телефон се претворени во безумни, насилни зомбија. Групата преживеани кои не телефонирале или немаат мобилни мораат да преживеат меѓу нив, и можеби да пронајдат лек.

На Кјузак ова ќе му биде втор пат да глуми во адаптација на некоја приказна на Кинг, затоа што веќе играше во филмот „Соба 1408“ кого критиката го пофали како една од најдобрите адаптации на „кралот на хоророт“.

Снимањето почнува наскоро, а премиерата се очекува кон средината на 2013 година.