Првите слики од мини-серијалот во кој главната улога ја толкува Даниел Редклиф беа објавени од страна на Sky.

Sky Arts ги објави првите две слики од A Young Doctor's Notebook, многуочекуваниот мини-серијал од четири епизоди со Даниел Редклиф и Џон Хем во главните улоги.

Сликите, од кои една ги покажува Даниел и Џон како делат бања заедно, се снимени на сетот на оваа црна комедија, која е базирана на кратки приказни од познатиот автор Михаил Булгаков.

Полуавтобиографските приказни го раскажуваат искуството на Булгаков како млад доктор кој работел во малото село Муриово во почетокот на Руската револуција во 1917 година.

Даниел Редклиф, познат по своите шеговити искази, за сцената со бањата рече: „Беше одлично, затоа што знаев дека секоја жена на светот ми љубомореше во тој момент.“

Џон Хем инаку игра постар доктор, кој има серија од чудни интеракции со помлада верзија од него самиот, улога која му е доделена на Редклиф.