Дизни седмиот филм од серијалот ќе го направи по потполно оригинална приказна.

Откако е објавено дека Дизни го купи Лукасфилм за четири милијарди долари, фановите го преплавија интернетот со трачеви за можниот заплет на филмот.

Кој ќе го режира филмот, дали ќе видиме нови или веќе постоечки ликови...

„Можно е наредниот филм да биде заснован на книгите на Тимоти Зан, Thrawn Trilogy, а студиото размислува и за филм сличен на Тhe Avengers, сместен во универзумот на ‘Војна на ѕвездите’“, рече Ерик Гелер за E!.

Извор од Лукасфилм за Hollywood Reporter кажа дека приказната ќе биде „потполно нова и оригинална“, а можно е наредните три филмови да бидат три одделни приказни, односно да имаат различни главни ликови.

До 2015 година, кога е најавена седмата епизода од „Војна на ѕвездите“, фановите можат само да фантазираат за можни заплети, режисери и актери.