И официјално е потврдено дека Арнолд Шварценегер, 30 години откако првиот филм за варваринот го прослави австрискиот бодибилдер, повторно ќе го игра Конан.

Студиото Universal Pictures потврди дека Арнолд ќе ја игра главната улога во „Легендата за Конан“, а и поранешниот гувернер на Калифорнија на својот Twitter напишал дека му е чест што повторно ќе се појави во таа улога.

„Конан варваринот“ од 1982 и „Конан уништувачот“ од 1984, заедно заработиле повеќе од 70 милиони долари. Минатата година Џејсон Момоа ја играше главната улога во римејкот на првиот филм, но реакциите на публиката беа многу лоши, па филмот доживеа фијаско со заработка од само 21 милиони долари.

За сега не е познато кој ќе биде режисер на остварувањето кое во кино-салите би требало да стигне кон средината на 2014 година.