Актерот ќе игра во романтична комедија која уште нема име.

Хју Грант ќе соработува по четврт пат со режисерот и сценарист Марк Лоренс, со кој веќе ги снимаше филмовите Two Weeks Notice, Music And Lyrics и Did You Hear About The Morgans.

Новиот филм ќе следи еден пропаднат писател кој страда од писателска блокада, и се обидува да ја избегне рутината прифаќајќи нова работа. Станува професор на колеџ во мал град, каде доживува романса со една од студентките.

Снимањето почнува следната година во април, а Грант веројатно му се радува на враќањето на неговиот омилен жанр, затоа што романтична комедија нема снимено веќе три години. Следниот филм во кој ќе го гледаме Грант е „Атлас на облаците“, во кој толкува дури шест ликови.