Петтиот дел од хорор серијалот стигнува следната година.

Четвртиот дел од „Паранормална активност“ само што стигна во кино-салите, а продуцентите веќе го најавуваат следното продолжение.

„Паранормална активност 5“ во кино-салите ќе се појави во октомври 2013 година, а бидејќи поголемиот дел се уште го немаат гледано ни четвртиот дел, деталите за следниот заплет се чуваат во тајност.

Првиот филм на големото платно „дебитираше“ во 2009 година, а секоја наредна излегуваше по едно продолжение кое не заостануваше зад првиот филм, барем што се однесува до заработувачките на благајните. Филмовите следат семејство кое верува дека куќата им е опседната од натприродни сили, кои се обидуваат да ги уловат со камера.