Вуди Харелсон и Мартин Шин ќе играт во филмот за улогата на американската влада во терористичкиот напад во 2001 година.

Филмот September Morning на режисерот Б. Џ. Дејвис наводно ќе ја разоткрие улогата на американската влада во четирите напади кои се одиграа на 11 септември 2001 година.

„Народот бара владата да се позабави со нова, потемелна истрага за овие трагични доживувања. Врвната актерска екипа ќе ви покаже што навистина се случи тоа септемвриско утро“, се наведува во описот на филмот.

Главните улоги им се доверени на Вуди Харелсон и Мартин Шин, актери кои порано во јавноста го изразуваа својот сомнеж во официјалната верзија за случувањата поврзани за 9/11.

„Толку нови откритија и податоци укажуваат на тоа дека нашата влада била вмешана во нападите, што тешко ми е околу срцето да поверувам дека такво нешто е можно“, рече Шин во интервју во 2007 година.

Нападите во септември 2001 веќе неколку пати се прикажани на големото платно, но ниту еден од досегашните филмови се нема занимавано со улогата на американската власт во нападите.