Роберт Де Ниро и Силвестер Сталоне ќе се „судрат“ во филмот Grudge Match за пензиониран боксер кој одлучил да се врати во рингот.

Ако сте помислиле дека ова ќе биде сериозен филм, грдо сте се излажале затоа што во него ќе игра и комичарот Кевин Харт, најпознат по улогата во „Страшен филм“, кој на комичен начин ќе го наговори пензионираниот боксер (Де Ниро) да се врати во рингот и да се судри со боксерскиот ветеран (Сталоне).

Оваа комедија ќе ја режира Питер Сигал, најпознат по филмот The Nutty Professor 2.

И Роберт и Силвестер веќе имаат искуства во слични филмови, посебно Сталоне со сагата за Роки Балбоу, додека Де Ниро за портретирање на боксерскиот шампион Дејк Ла Моте е награден со Оскар.

Снимањето би требало да почне наскоро, а уште не е познато кога филмот ќе стигне во кино салите.