... ќе имате шанса Рајан Гослинг повторно да го гледате зад воланот.

Филмот Drive минатата година ја воодушеви публиката и критиката, а режисерот вели дека „возачот“ повторно ќе „жари и пали“ на големото платно.

Филмот го следеше мистериозниот лик на Возачот, кој работи како механичар и каскадер, но навечер вози кола за бегство. Се вплеткува во опасна авантура кога се обидува да и помогне на својата соседка.

Наредниот филм нема да биде директно продолжение, рече режисерот Николас Виндинг Рефн.

„Drive 2 не доаѓа во предвид, затоа што приказната е готова. Но, реакцијата на публиката на главниот лик беше таква што сигурно во некој нареден проект ќе го ставиме неговиот лик. Се уште немаме сценарио, но повторно ќе го гледате Гослинг зад воланот“, рече тој.

Младиот канадски актер ги воодушевува критичарите со секоја улога, а жените ширум светот воздивнуваат по него уште од романтичниот филм „Бележник“.