Холивуд подготвува нова верзија на приказната за Снупи и екипата, но актерот кој го позајмуваше гласот на главниот лик не се согласува со тоа.

Питер Робинс (56) во шеесетите години му го позајмуваше гласот на Чарли Браун и е згрозен со најавата на нова верзија на филмот.

„Мислам дека на Холивуд му снемуваат идеји. Ако целта на римејкот е овие ликови да им се приближат на новите генерации, откажете се! Тие геренации веќе знаат за Чарли и Снупи преку своите родители и старите цртани филмови. Ако сте толку креативни, смислете некои нови ликови, а старите оставете ги на мира“, рече огорчениот Робинс.

За новата верзија на цртаниот филм Peanuts се уште не се знае ништо освен податокот дека треба да се појави во 2015 година.