Познатото чудовиште повторно на големото платно за две години.

Новата „Годзила“ ќе биде втор обид на Холивуд да направи пари од јапонскиот серијал за џиновско чудовиште кое излегува од морето и тероризира цели градови.

Серијалот за Годзила во Јапонија опфаќал 28 филмови снимени меѓу 1954 и 2004, стрипови, романи, телевизиски серии и видео игри.

Холивудскиот режисер Роланд Емерих снимил адаптација во 1998, но публиката и критиката не ја прифатија баш добро.

Новата верзија ќе ја режира Герет Едвардс („Чудовишта“) по сценариото на Дејвид Калахан („Платеници“).

Не е познато кој во филмот ќе се бори против фамозната Годзила, а премиерата се очекува во мај 2014.