Актерката Натали Портман најверојатно ќе ја игра сопругата на поранешниот американски претседател Џон Кенеди, Џеки.

Филмското студио Fox Searchlight, чиј проект е ова, моментално е во преговори со актерката, затоа што сакаат токму таа да ја глуми починатата прва дама во драмата „Џеки“ на Ноа Опенхајм.

Дејствието на филмот го следи животот на Џеки Кенеди по атентатот на нејзиниот сопруг во Далас 1963 година.

Според некои наводи, на Портман многу и се допаднало сценариото за овој филм, но сепак планира да почека додека не најде одговарачки режисер, па тогаш да ја прифати улогата.

Како потенцијални имиња за режисерското столче се споменуваат Дарен Аронофски, со кој актерката веќе соработуваше во „Црн лебед“, за кој доби Оскар и Стивен Спилберг, кој исто така е заинтересиран за овој филм.