Актерите кои заедно го заменија Хит Леџер повторно ќе соработуваат.
Џони Деп и Џуд Лоу ќе играат во филмот „Големиот хотел Будимпешта“ на Вес Андерсон, чиј заплет се држи во тајност.
Во филмот, покрај нив двајцата, ќе играат и Овен Вилсон, Анџела Ленсбери, Едвард Норто и други, а Андерсон најави само дека ќе раскаже „голема европска приказна“.
Премиерата на филмот се очекува кон почетокот на 2014 година.
Кога во 2008 година актерот Хит Леџер одненадеж почина среде снимањето на филмот „Имагинарумот на доктор Парнасус“, Џони Деп, Џуд Лоу и Колин Фарел „скокнаа“ како три ликови кои ја поделија неговата улига, а целиот хонорар од филмот и го дадоа на ќерката на Хит, Матилда.
