Негативецот од новиот „Бетмен“ ќе глуми планинар кој загинал обидувајќи се да се качи на највисокиот врв...

Том Харди ќе го игра Џорџ Мелори во филмот „Еверест“, кој во дваесетите години на минатиот век три пати се обидел да се качи на Монт Еверест, за да умре за време на последната експедиција. Неговото тело било најдено дури во 1999 година, а тогаш не било возможно да се утврди дали успеал да се качи на врвот или не.

Новозеландецот Едмунд Хилари се смета за првата личност која го освоила Еверест, во експедиција организирана во 1953 година.

Филмот ќе го режира Даг Лиман („Борновиот идентитет“, „Скокач“), а ќе биде адаптација на романот „Патот до славата“ од Џефри Арчер.