Aма само на филм! Холивудскиот шармер ќе снима љубовни сцени со турската колешка!

Бред Пит наскоро ќе патува во Турција каде ќе снима неколку епизоди од популарната серија “Сулејман Величествениот”. Тој ќе игра еден од балканските војсководци, а актерката Фахрије Евџен, која ја знаеме како Неџла од серијата “Кога лисјата паѓаат”, ќе му биде љубовна партнерка.

“Љубовта меѓу војсководецот и неговата сакана ќе биде толку силна што ќе ја засени и романсата на Сулејман и Хурем”, открил за турските медиуми извор од снимањето на серијата.

Бред ќе добие два милиони долари по епизода, а и понатаму не е познато во колку епизоди ќе се појави. Интересно е тоа што сцените меѓу него и Фахрије обилуваат со бакнежи и прегратки, па медиумите сметаат дека Анџелина Џоли ќе биде многу љубоморна на овој ангажман на актерот.