Продуцентите на турската сапуница „Сулејман Величествениот“ преговараат со американскиот актер Бред Пит околу гостувањето во една од епизодите од новата сезона на оваа популарна серија, пренесуваат турските медиуми...

Ако договорот не биде постигнат, следен на листата на желби е австралискиот актер Мел Гибсон.

Јиксел Ајтуг, ТВ колумнист во турскиот дневен весник „Сабах“, пишува дека според желбите на продукциската куќа "TIMS", Пит или Гибсон би требало да го глумат монголскиот кан и дека таа епизода ќе изобилува со борбени сцени.

Бред Пит за оваа улога би добил два милиони долари, а се претпоставува дека Гибсон би добил помалку, бидејќи неговата кариера веќе со години оди надолу поради низата скандали со расистички изјави и возење по дејство на алкохол.