Холивудската актерка Анџелина Џоли им забранила на своите деца Пакс и Захара да ги слушаат песните на Ријана, пишуваат американските медиуми...
"Анџелина мисли дека текстовите на Ријана не се погодни за децата. Светската хистерија околу пејачката е на штета на децата" - споделиле пријатели на актерката.
"Тие се уште мали, само осум и седум години. А во песните на Ријана се пее за секс и тоа ја згрозува Анџела" - сподели уште пријател на познатото семејство.
Се започнало кога Пакс почнал да пее песна од барбадоската пејачка во присуство на мајка си. Тоа ја налутило поранешната Лара Крофт па така таа им забранила на двете деца да не смеат да ја слушаат повеќе таа музика.
"Таа сака нејзините деца да останат невини и да не растат премногу брзо. Самата таа брзо се претворила во возрасен и затоа сега сака тие да имаат целосно детство" - открил изворот.
