Шпанските актери Пенелопе Круз и Хавиер Бардем кои го освоија Холивуд, го очекуваат своето второ дете. Ѕвездената двојка веќе има еден син - 17-месечниот Леонардо. Во моментов 38-годишната Пенелопе е во третиот месец од бременоста со нивното второ дете, соопшти шпански телевизиски канал. Улогата на мајка и домаќинка очигледно и стана навика...

"Во последно време седам повеќе дома. Се грижам за Леонардо и домаќинството. И ми се допаѓа, зашто Лео е најпрекрасното нешто што некогаш ми се случило. Мислам дека и Хавиер го дели истото мислење".

Пенелопе со задоволство раскажува и за улогата на домаќинка: "Готвам добро. За мене тоа е важно - да приготвам храна секој ден. Ниту јас, ниту Хавиер не се држиме кон некакви диети. И двајцата ја обожуваме медитеранската храна".

Што се однесува на малиот Лео, актерката додава со хумор: "Грижите поврзани со него, не ме загрижуваат. Зашто од мала сум си таква - постојано се грижам за нешто".