Глумицата која гласи ако не за една од најпосакуваните, тогаш за една од најсекспилните жени на светот, вели дека славата и создава неверојатни проблеми затоа што секој нејзин состанок изгледа како играње криенка...

Мила Кунис минатата година раскина 9-годишна врска со глумецот Меколи Калкин и од тогаш е сама, како што тврди таа, иако медиумите ја поврзуваа со Џастин Тимберлејк и сега со Аштон Кучер. "Ако некој дечко ме повика да излеземе, незнам каде би можеле да одиме? Очиглено никаде, без оглед колку и да сакам. Се трудам да бидам нормална девојка, но да се најде момче во мојот случај е речиси невозможно затоа што секогаш некој ме следи. Состанокот на крај се сведува на "криенка" и единствено можеме да се видиме или кај него или кај мене во стан", се пожалила Мила во интервјуто за списанието Elle.

За Калкин има само пофални зборови и вели дека таа врска и помогнала да стане тоа што е денес - силна жена со став. "Напорно работев за денес да можам да живеам удобно и да не размислувам за пари, но никогаш не би си ја продала душата за "шака долари". Тоа го знаат моите пријатели со кои сум уште од детството и кои и денес се моја најголема подршка."

Мила не им се лути многу на медиумите, само сака да ја остават малку на мира, барем додека си најде нов дечко.