Актерот Том Круз сакал да се ожени за Софиа Вергара, пред да се спои со Кејти Холмс, соопштуваат американски таблоиди...

Ендрју Мортон, автор на книгата "Том Круз: Дозволена биографија", за сајтот Celebuzz изјавил дека актерот се обидувал да ја заведе колумбиската ѕвезда од серијата "Модерна семејство".

Круз се запознал со Софиа во Монтреал, Канада, додека го снимал филмот "Четворица браќа". Пријателот на актерот и исто така следбеник на сциентологијата Вил Смит и испратил покана на прекрасната актерка да присуствува на забавата пред церемонијата на доделување на наградите Оскар во февруари 2005 година, организирано од неговата сопруга Џејда Пинкет Смит. Таа не го познавала лично семејството Смит, но била заинтригирана и отишла на забавата.

Тогаш ја запознале со Круз, кој веднаш се пуштил во акција со својата насмевка и почнал да шармира. Следниот ден актерот и испратил на Вергара цвеќе, чоколада и белешка која таа ги споделила со пријателките.

"Таа се сретна со неговите деца, немаше сомневање дека тој ја "посакува за улогата како негова сопруга", раскажал изворот. "Ако таа пројавеше интерес, денес ќе беше следната г-ѓа Круз".

"Актерот сакаше да се ожени за неа. Но таа беше исклучително запрепастена од Сциентологијата. Таа искрено веруваше дека ќе биде поразена од Бог и ќе гори во пеколот ако се приклучи кон оваа црква", додал изворот.