Холандската актерка Силвија Кристл, позната во целиот свет по улогата во еротскиот филм "Емануела" претрпела мозочен удар и била хоспитализирана во Амстердам, изјавила нејзината агентка...

"Пред три недели Силвија доживеа мозочен удар", изјавила Хенриет Хогенбоезем, агентка на актерката, потврдувајќи ги информациите кои се појавиле во белгискиот печат.

"Засега не знаеме какви ќе бидат последиците", рекла таа, додавајќи дека сите се загрижени за животот на актерката. Силвија Кристл (59) се лечела од рак на грлото, а потоа добила мозочен удар.

Силвија, најпозната холандска актерка, стана популарна по својот прв филм "Емануела" од 1974 година.

Филмот доживеа голем меѓународен успех, а зборуваше за сексуалните авантури на млада девојка во Азија. Филмот тринаесет години се прикажуваше во кино во Париз.

Силвија Кристл една година подоцна го сними "Емануела 2", а потоа уште две продолженија, последното во 1984 година.