Шпанската актерка секогаш привлекува внимание на црвениот тепих, ништо поинаку не беше ни овој пат...

На промоцијата на најновиот филм “To Rome with Love”, Пенелопе Круз заблеска во тесен чипкан фустан.

Покрај 38-годишната актерка во филмот се појавува и Вуди Ален, по седум години пауза.

“Би сакала и дваесет пати да работам со него. Фасцинирана сум од неговата личност. Дури и пресовите, кои не се мој омилен дел од работата, Вуди ги прави толку забавни и интересни”, рекла Пенелопе за легендарниот режисер.

Пенелопе е една од ретките актерки во Холивуд која одбива пластични операции и корекции, таа е омажена за познатиот шпански актер Хавиер Бардем со кој има син.