Иако Холивуд е познат по гламурот, тој е атипичен по својот стил – и на филмското платно и надвор од него...

Само кога ќе се спомене името на Џони Деп жените ширум светот паѓаат во транс. Викендов тој наполни 49 години, a како старее е се попосакуван!

Џони е познат по своите трансформации, а меѓу најуспешните се онаа на гусарот Џек Спароу во серијалот “Пиратите од Карибите” и Вили Вонка во филмот “Чарли и фабриката за чоколади”.

Моментално работи на филмот “The Lone Range”, a се зборува и за петто продолжение на “Пиратите од Карибите”. Често вели дека музиката му е прва љубов, па на неодамна одржаните МТВ филмски награди настапи со “The Black Keys” на големата сцена.

Џони е татко на две деца со Ванеса Паради, иако се зборува дека нивната врска е во криза тој се уште официјално не се изјаснил.