Синоќа во Лас Вегас беа доделени МТВ филмските награди. Домаќин на свеченоста беше ексцентричниот комичар Расел Бренд, а најмногу награди собра филмот “The Hunger Games”...

Остварувањето на Гари Рос, за тинејџерката која се бори да преживее во играта на смртта, освои четири награди, меѓу кои за најдобра машка и женска улога - Џош Хачерсон и Џенифер Лоренс, потoа за најдобра филмска тепачка и најдобра трансформација на актерите.

Добро помина и филмот “Bridesmaids” кој доби две награди, но главната награда за најдобар филм - која со своите онлајн гласови ја доделува публиката, ја освои „The Twilight Saga: Breaking Dawn - Part 1“.

Џенифер Анистон ја доби наградата за најдобар негативец за улогата во филмот „Horrible Bosses“, додека ѕвездите на „Twilight“ - Кристен Стјуарт и Роберт Патисон по четврти пат освоија награда за најдобар бакнеж.

Meѓу наградените се и Даниел Редклиф, Ема Ватсон, Ема Стон, LMFAO и Џони Деп кој доби специјално МТВ признание.

Домаќинот на свеченоста, Расел Бренд, во текот на вечерта се шегуваше на сметка на многу ѕвезди како Џастин Бибер, Чарли Шин, Џон Траволта, Кание Вест...