Членката на племенскиот совет на народот Команчи, Ладона Херис, oбјави дека американскиот актер Џони Деп станал почесен член на племето Команчи...

Херис додаде дека според традицијата на посвојување што ја почитуваат Команчите, таа Џони Деп сега го смета за свој син.

Деп во моментов е во Ново Мексико каде што го снима филмот "The Lone Ranger".

Херис рекла дека со него стапила во контакт преку пријател кој е советник за културолошки прашања на снимањето на новиот филм.

Деп во филмот, кој е римејк на популарна американска радио и телевизиска серија од средината на минатиот век, го игра помошникот на осамениот ренџер, Индијанецот Тонто.

Претставниците на Деп потврдиле дека тој учествувал во една индијанска церемонија, но не сакале да објават детали во врска со тоа.