Иако се разведоа пред девет години, Анџелина Џоли сеуште има чувства кон бившиот сопруг Били Боб Торнтон...

Тоа го открила глумицата во предговорот кој го напишала за новата автобиографија, за поранешниот сопруг со кој помина три години во брак.

"Неговата духовитост е единствена и може да ве натера да се смеете се додека не почувствувате болка во лицето. Да се биде со него е како да сте со луд математичар. Постојано брои и повторува", напишала Анџелина за 56-годишниот глумец.

Истакнала дека Били има прекрасно големо срце и дека сеуште го сака.

"Некои луѓе одат низ животот успевајќи да ги потиснат гласoвите во глава. Тој не може. И јас, и сите други кои добро го познаваат, го сакаме поради тоа. Едно знам: светот сигурно би бил многу досаден без тој човек", напишала глумицата.

Џоли и Били се запознаа во 1999 година на снимањето на филмот "Pushing Tin" додека Били  беше свршен со глумицата Лаура Дерн. Ја остави поради фаталната Џоли, и се венчаа во мај 2000 година во Лас Вегас, само неколку месеци откако Џоли се разведе од британскиот глумец Џони Ли Милер со кој беше во брак две години.