Aмерикански студент при посета на Ватикан открил фреска од 16 век на којa се наоѓа никој друг туку Силвестер Сталоне...

"Веднаш штом ја видовме фреската, знаевме дека тоа е тој. Целото мое семејство се смееше. Навистина се чини дека самиот Сталоне позирал за оваа слика", кажал студентот Антони Зонфрели, кој во текот на посетата на Ватикан открил фреска од 1511 година на која се наоѓа личност која изгледа како брат близнак на 65-годишниот Силвестер Сталоне.

Сталоне сигурно ќе биде задоволен кога ќе слушне дека неговиот портрет го  направил никој друг, туку самиот Рафаел, кој заедно со Микеланџело и Леонардо да Винчи бил најплодниот сликар од тој период, но и на сите времиња воопшто. Момчето не ни сонувало каков хит ќе стане фотографијата која ја поставил на сајтот Reddit.

Така "портретот на Силвестер Сталоне" до сега собрал преку 700.000 прегледи и станал најпосетена страна на тој веб сајт од било кога, што секако го воодушеви Антони и неговото семејство.