Columbia Pictures ќе реализира документарен филм за Michael Jackson. Најдобрите делови од видео записите од неговите последни концертни проби за никогаш неодржаната турнеја ќе се најдат во кината на есен.

По преговорите кои траеле една недела, Columbia која е сопственост на Sony, прифатила да плати 60 милиони долари за правата на својот нов проект. Компромисот е постигнат во петокот, помеѓу концертниот промотер AEG Live и претставник на фамилијата Jackson. Компромисот вклучува авторски права за повеќе од 100-часовни видео записи од пробите кои биле наменети за користење во тек на концертот на Jackson во O2 Арената во Лондон, како и за рекламни потреби, DVD и останати производи кои ги прати издаваштвото.



Компромисот строго ги исклучува од користење видео записите за производи поврзани со алкохол, цигари, коцкање, фармацевтски производи и огнено оружје. Уште еден услов кој мора да биде исполнет е филмот да биде оценет со ознаката PG, да не биде подолг од 150 минути и во ниеден момент Michael Jackson да не биде прикажан во негативно светло.

Columbia планира, филмот да биде пуштен на големото платно на Halloween.