Aнџелина Џоли и Бред Пит се одлучиле за уште една голема инвестиција во областа на недвижнини...

Имено, славниот холивудски пар купил голема куќа во Лондон за 10 милиони фунти. Се работи за имотот Whorne Place во Ричмонд кој минатото лето го изнајмија за 30 илјади фунти месечно.

И тоа каков имот! И погледот на самата надворешност го одзема здивот. На предниот дел од куќата се наоѓа внимателно уредена и декорирана градина, кој сигурно ќе послужи како идеално игралиште за нивните шест деца. Базенот е во близина на куќата, две големи кујни и доволно соби за многубројното холивудско семејство.

Бред и Анџелина сакаат да престојуваат во Англија, а оваа година во Лондон ќе мора да останат неколку месеци каде Џоли го снима својот нов филм.