Младите холивудски надежи ги покажаа своите секси фигури во костими за капење и така го промовираа филмот “Spring Breakers”...

Тин ѕвездите Селена Гомез, Ванеса Хаџинс, Рејчел Корин и Ешли Бенсон позираа во едиторијал за магазинот “Interview” и весело ги покажаа своите атрибути, облечени во бикини во силни бои.

На другите фотографии има сцени од филмот, кога девојките се уапсени откако пробуваат да ограбат ресторан, по што од притвор ги извлекува еден трговец со дрога и оружје (Џејмс Франко) кој од нив бара за него да извршат една валкана работа.

Така и Франко позирал за магазинот во склад со својата улога во филмот, држејќи пиштоли вперени во главите на Ешли Бенсон и Ванеса Хаџинс.

19-годишната Селена во филмот ја глуми Фејт, девојка која паднала под лошо влијание на своите пријателки. Таа открила дека на сетот било многу забавно.

Филмот во кината се очекува на почетокот на следната година.