Џенифер Анистон си бара куќа во Лондон, соопштуваат медиумите...

43-годишната актерка снима нискобуџетна комедија "Miss You Already" во британската престолнина, и им наложи на своите претставници да и најдат сместување под наем.

Едена од потенцијалните населби е Ричмонд, во југозападен Лондон, каде што поранешниот сопруг на Анистон Бред Пит и неговата свршеница Анџелина Џоли зедоа куќа под наем минатата година. Во моментов идното семејство Пит не е во Лондон, но се очекува да пристигнат во градот оваа недела откако ќе завршат со одморот на Галапагос островите.

"Таа не е во контакт со Бред од разводот во 2005 година Но, ако и двајцата живеат во ист кварт, може да се дојде до "нарушувачки средби", откри извор за таблоидот "Sun".

Неколку холивудски ѕвезди, меѓу кои Џорџ Клуни, Џони Деп и Сандра Булок, исто така живееле во куќи во Ричмонд.

"На ѕвездите им се допаѓа соседството, бидејќи иако е дел од Лондон, во него се чувствува провинциски дух", додава изворот.