Филмското студио Paramount потврди дека во тек се подготовките за снимање на продолжение на култниот филм од 1986 година.

Нагаѓањата за продолжение на култниот филм Top Gun се појавија во медиумите уште минатата година, а сега дефинитивно е потврдено дека вториот дел од блокбастерот ќе биде снимен оваа година, како и дека Том Круз повторно ќе се најде во улога на пилотот Маверик.

Претставникот на Paramount, Адам Гудмен, во интервју за Hollywood Reporter потврди дека проектот е во подготовка и дека тоа моментално е приоритет на оваа студио.

„Џери Брукејмер ќе биде продуцент на филмот, а Тони Скот повторно ќе биде режисер“, рече тој, но не откри кој друг ќе глуми, освен Том Круз.

Првиот дел од филмот, во кој играа и Кели Мекгилис и Вал Килмер, номиниран е за Оскар за муика, монтажа на звук и монтажа на филм, а освои Оскар за оригиналната песна Take My Breath Away во изведба на бендот Berlin.