Режисерот Ларс фон Триер почнува со снимање на порнографската драма „Нимфоманка“ во која главната улога ќе ја игра Шарлота Гејнсбур.

Persona non grata на фестивалот во Кан, повторно ги предизвика бурните реакции на јавноста откако откри дека снима хардкор филм што се вика „Нимфоманка“ и во кој главната улога ја игра Шарлота Гејнсбур, со која режисерот соработуваше на филмовите „Антихрист“ и „Меланхолија“.

„Нимфоманка“ е потска приказна за еротското патување на една жена од раѓање до 50 година, а режисерот планира да сними две верзии од филмот, една хардкор и една „нормална“.

Данскиот режисер во 2011 година е прогласен за persona non grata (непожелна личност) на фестивалот во Кан, поради коментарите за Хитлер и нацистите.