Режисерот Питер Џексон својот нов филм го снимил на начин кој би можел да поттикне нова ера во снимањето филмови.

Филмот „Хобитот: Неочекувано патување“ е снимен на Нов Зелант со повеќе фрејмови во секунда отколку што е холивудскиот стандард, а режисерот вели дека на тоа се одлучил затоа што така сликата делува појасно и подобро.

„На тој начин човечкото око не регистрира индивидуални сликички кои брзо се движат туку стабилен проток на јасни слики. Движењата делуваат пореално и многу се понежни за очите“, објасни Џексон.

Сепак, не сакаше да открие дали целиот филм, кој во кино салите пристигнува во декември, ќе биде снимен со „новата техника“.

Џексон смета дека ќе биде потребно за луѓето да се навикнат на новиот начин на снимање филмови, а со него се согласуваат и критичарите кои кажале дека недовршените сцени кои ги виделе делуваат ако нискобуџетен телевизиски филм.