Падна „историско помирување“ - земјата на која Борат Сагдиев ја исмеваше во филмот „Културно воздигање во Америка за правење на корист на славната нација Казахстан“, му се заблагодари на комичарот.

Комичарот Саша Барон Коен пред шест години „сериозно го налути“ народот во Казахстан со тоа што ги претстави како инцестоидни „суровини“.

Дистрибуцијата на филмот тогаш беше забранета во Казахстан, а властите дури и го блокираа локалниот пристап до веб-сајтот на Саша Барон Коен. Сега е крај на сето тоа.

Комичарот во понеделник примил службено писмо од казахстанските влеасти во кое му „простуваат што ја исмевал нивната земја“ и во кое му заблагодаруваат за популаризирањето на оваа земја.

„Му заблагодаруваме на Борат за се што направи за нашата земја. Од кога излезе филмот, бројот на туристички визи кои ги издаваме се зголеми за десет пати“, рече министерот за внатрешни работи Јерзан Казиканов.