Глумицата Мена Сувари моментално го промовира третото продолжение на хит комедијата "Американска пита" во која глуми, а при тоа се сети и на своите средношколски денови и љубовни почетоци...

"Не сакам да се враќам во минатото, јас сум девојка која оди напред и не се врти назад", кажа Мена додавајќи дека со поранешните момчиња не останала во добри односи.

"Мислам дека сите мои бивши ме мразат. Но никогаш не се каам што бев во тие љубовни врски што на крај пропаднаа", тврди 33-годишната глумица која се прослави со улогата во "Американска убавина". Мена моментално се разведува од Симон Сестит за кого се омажи пред две години. Тврди дека е сама и среќна.

"Моментално сум во процес на развод, а нов брак не ми доаѓа ни на крај памет. Мислам дека тоа не е за мене", изјавила Сувари.