Линдзи Лохан ќе ја игра улогата на Елизабет Тејлор во филмoт за турбулентната врска на ѕвездата со Ричард Бартон, соопшти телевизиската мрежа "Lifetime", потврдувајќи ги гласините кои кружеа со недели...

"25-годишната Линдзи Лохан е една од ретките актерки кои имаат талент, убавина и тајност која може да изрази една таква провокативна филмска икона како Елизабет Тејлор", рече потпретседателот на "Lifetime" Роб Шернау.

Лохан, која се обидува да ја врати кариерата по долгите проблеми со судот и со алкохолот, рече дека секогаш и се е восхитувала и ја почитувала Елизабет Тејлор.

"Таа беше, не само неверојатна актерка, туку и исклучителна жена", рече таа и додаде дека ќе и биде огромна чест да биде избрана за оваа улога.

Снимањето на "Лиз и Дик" ќе започнe во јуни во Лос Анџелес.