Расел Кроу ќе игра еден од најпопуларните библиски ликови во филмот Noah на Дарен Аронофски.

Режисерот на „Црн лебед“ му се заблагодари на филмското студио Paramount и на спонзорите што „и вдахнале живот“ на оваа библиска приказна, како и на славниот актер.

„Среќен сум што Расел Кроу ќе биде со мене во оваа возбудлива авантура. Неговиот неверојатен талент ќе ми помогне мирно да спијам и да се радувам што ќе го гледам секој ден.“

Филмот Noah ќе ја следи библиската приказна за арката на Ное, а сценариото со Аронофски го напишал Ери Хендел кој ќе биде еден од продуцентите.

Снимањето на филмот почнува во јули на Исланд и во Њујорк, а „арката на Ное“ во кино салите ќе пристигне во март 2014 година.