Научно-фантастичниот серијал ќе добие и четврто продолжение, но со потполно нови херои.

Третиот дел од филмот „Луѓе во црно“ ќе ја заокружи приказната за агентите кои ги глумат Вил Смит и Томи Ли Џоунс, а режисерот Бари Соненфелд му рече на филмскиот печат дека во план е снимањето на уште едно продолжение.

„Претходните делови ги замисливме како трилогија која ќе биде заклучена со новиот филм. Ќе дознаете се за омилените агенти и вонземјанци, и нивната приказна ќе биде готова. Веќе планираме четврти дел, во кој ќе се појават сосема нови агенти, но и нови ‘чудовишта’“, рече Соненфелд.

Третиот дел од филмот, во кој Вил Смит оди во минатото за да открие што се случило со Џоунс, ќе се појави во американските кина кон крајот на март.