Приказната за подемот и падот на легендарниот бенд наскоро ќе биде преточена во филм.

Сценариото за филмот ќе го пишува тапанарот Мет Сорум, кој му се придружи на бендот за време на снимањето на двојниот албум Use Your Illusion и кој дошол на идеја да ја раскаже приказната на Guns N' Roses затоа што „Холивуд никогаш нема снимено добар рокенрол филм“.

„Вистинската приказна за Ексл, Слеш и останатите е полуда од било кое измислено сценарио“, тврди Сорум.

Тој открива дека моментално води преговори со неколку продуцентски куќи, како и дека снимањето би можело да почне веќе следната година.

Филмот би требало да го следи бендот од самиот почеток на кариерата, па до конфликтот на Ексл Роуз со остатокот од екипата за време на работењето на последниот албум на бендот Chinese Democracy.