Актерот Том Фелтон својот нов филм, еротската драма „Тереза Ракин“, ќе го снима во главниот град на Србија.

Фелтон, познат по улогата на Драко Малфој во серијалот за Хари Потер, глуми во филм во чија екипа се и оскаровката Џесика Ланг, младата надеж на Холивуд - Елизабет Олсен и други.

Филмот „Тереза Ракин“ е адаптација на истоимениот роман на Емил Зола. Во Париз во 17 век, тетката на сила ја омажува младата Тереза за еден роднина, но таа набргу започнува тајна врска со неговиот најдобар пријател. Тие наскоро прават заговор и го убиваат сопругот на Тереза, кој се враќа како дух и ги прогонува.

Улогата на тетката и е доверена на Џесика Ланг, која направи големо враќање на сцената во серијата „Американска хорор приказна“, за која освои и Златен глобус оваа година. Тереза ќе ја глуми Елизабет Олсен, инаку помлада сестра на познатите холивудски близначки Мери Кејт и Ешли Олсен, а Фелтон ќе го глуми нејзиниот сопруг кој се враќа како дух.

Снимањето би требало да почне за неколку недели, додека премиерата на филмот се очекува во почетокот на следната година.

И самиот Фелтон потврди во едно од поранешните интервјуа дека наскоро ќе дојде во Белград. Погледнете.