Популарната игричка за сите оние кои ја сакаат брзината ќе осамне и на големото платно, пишува Hollywood Reporter.

Need For Speed е возачка игра која во првата верзија се појавила уште во 1994 година, а од тогаш е продадена во повеќе од 100 милиони примероци. Направени се дури 15 верзии на играта, за компјутер, конзоли и мобилен телефон. Тоа е најуспешниот возачки серијал и еден од најуспешните серијали на видео игри воопшто.

Студиото Dreamworks го откупил проектот за снимање филм според оваа игра, а моментално сценаристите Џон и Џорџ Гетинс работат на префрлување на приказната на големото платно.

Се уште не е познато кој ќе ги игра главните улоги во филмот, но холивудскиот печат веќе го предвидува статусот на акционен блокбастер.