Иако снимањето на филмот Skyfall и понатаму е во тек, се појавија првите фотографии кои ги прикажуваат Ралф Фајнс и Даниел Крег во акција.

Ралф Фајнс, наводно, во 23 филм за авантурите на најпознатиот таен агент на светот го игра еден од главните негативци, владиниот агент Герет Малори.

„Ако сте фан на Џејмс Бонд, ќе ви се допадне овој филм. Џон Логан напиша одлично сценарио, а Сем Мендез без сомнение тоа ќе го изрежира одлично. Мислам дека тие двајцата ќе направат нешто многу посебно“, изјави Фајнс, кој не сакаше да открива други детали околу својата улога.

Тоа што за сега е извесно е дека во 23 по ред продолжение на серијалот за тајниот агент 007 нема да недостига ниту акција, но ниту убави девојки, затоа што Бонд би требало да ги има најмалку две.