Славната актерка и режисерка би требало да игра една од споредните улоги во новиот филм на Ридли Скот, The Counselor.

Филмот е приказна за адвокат кој е вмешан во трговија со наркотици, а ќе биде снимен според истоимениот роман на Кормак Мекарти.

Анџелина Џоли би требало да се појави покрај Мајкл Фасбендер (адвокатот) во филмот за кој сценариото го напишал Мекарти, автор на веќе екранизираните романи „Нема земја за старци“ и „Пат“.

Снимањето би требало да почне во лето, а за сега не е познато кога новиот филм на Ридли ќе стигне во кино салите. Славниот режисер моментално го промовира предпродолжението на сагата „Осмиот патник“.