Студиото Universal планира снимање продолжение на приказната „Снежана и Ловецот“.

Претседателот на студиото Universal, Рон Мејер, го потврди снимањето на бајката која ја доловија Кристен Стјуарт, Шарлиз Терон и Крис Хемсворт, но со поизменет состав.

„Франшизите се важни за студиото, и иако филмот ‘Снежана и Ловецот’ не остава место за продолжение, мислиме дека би требало да се позанимаваме со ликот на Ловецот кој го игра Крис Хемсворт“, рече Мејер.

Во епската акциона авантура Кристен Стјуарт („Самрак сагата“) ја игра единствената личност поубава од лошата кралица (Шарлиз Терон). Но, убавицата ја обучувал Ловецот (Крис Хемсворт) кој е испратен да ја убие. Сем Клафлин („Пиратите од Карибите“) и се придружува на екипата во улогата на принцот кој е маѓепсан со убавината и силата на Снежана.